എല്ലാവരും വീട്ടിലേക്ക് പോയ
ഒരു ഓണാവധിക്കാലത്താണ്,
ഹോസ്റ്റലില് തന്നെ കഴിയാം
എന്ന് തീരുമാനിച്ച
ഒരു പകലുച്ചയുടെ
ആരുമില്ലായ്മയിലേക്ക് വെളിപ്പെട്ട്,
ഓരോ നസ്രാണിക്കും
സ്വര്ഗ്ഗരാജ്യം അന്വേഷിച്ചു പോകാതെ
തരമില്ലെന്നും,
താന് ഷിമോഗയിലേക്ക് പോവുകയാണന്നും,
അവിടെ അന്പതേക്കര് പച്ചപ്പും,
ആവോളം ജലസമൃദ്ധിയും കണ്ടു വെച്ചിട്ടാണു
വന്നിരിക്കുന്നതെന്നും,
നിനക്കെന്റെ മലെഞ്ചെരുവില്
ഒരു ഏറുമാടം കെട്ടിത്തരാമെന്നും,
അവിടിരുന്നു അവോളം
പുസ്തകങ്ങള് വായിച്ച് കൂട്ടാമെന്നും
വാക്കുതന്ന്,
എന്റെ ആയുസില് നിന്നും
ഈ ലൊകത്ത് നിന്നും
അവന് അപ്രത്യക്ഷനായത്......
പാതി പണിതീര്ത്ത്,
അനാഥമായ,
ഒരു ഏറുമാടം
എന്റെ സ്വപ്നത്തില്
ഇടക്കിടെ പ്രത്യക്ഷപ്പെട്ട് തുടങ്ങിയത്
പിന്നെയും വളരെക്കഴിഞ്ഞാണ്.
19 അഭിപ്രായങ്ങൾ:
ഇതില് കൂടുതല് പ്രതീക്ഷിച്ചു ഹാരിസ്സെ. മോശമായെന്നല്ല.
ദുഖകരം...
ഇന്നാദ്യമാണിവിടെ. നന്നായെഴുതിയിരിയ്ക്കുന്നു എല്ലാ കവിതകളും തന്നെ!
കവിത ഇഷ്ടപ്പെട്ടു ഹാരിസ്.
എല്ലാ കവിതകളും മനോഹരം
പുസ്തകവും വായിച്ചിരിക്കാവുന്ന ഒരേറുമാടം. അങ്ങിനെ ഒന്ന് കിട്ടിയിരുന്നെങ്കില് ജീവിതം എങ്ങനെ മാറിപ്പോയേനെ! :)
പാമരന്....പ്രതീക്ഷ നല്കുന്നു എന്നു പറയുന്നത് തന്നെ സന്തോഷപ്രദം.
ശ്രീനാഥ്,ധ്വനി,ശ്രീ,ശിവ,അപര്ണ്ണ...നന്ദി.
നല്ല കവിത
ആദ്യമായാണിവ്ടെ വരുന്നത്.അതില് ക്ഷമാപണം.എല്ലാ കവിതകളും വായിച്ചു നന്നായിട്ടുണ്ട്.
നന്നായിരിക്കുന്നു ഹാരിസ്.
കവിതയിലും ജീവിതത്തിലേപ്പോല് സത്യം ഉള്ളവന് താങ്കള് എന്ന് തോന്നിച്ചു :)
സഗീര്,സനാതനന്,അതിരന്,നജൂസ് നന്ദി
എല്ലാ കവിതകളും വായിച്ചു...വളരെ..വളരെ..നന്നായി എഴുതിയിരിക്കുന്നു...ആരോ,പറഞ്ഞതു പോലെ ഗഹനമായവ ലളിതമായി പറഞ്ഞിരിക്കുന്നു..
പച്ചപ്പും ജലസമൃദ്ധിയും തേടിയുള്ള യാത്രയായിരുന്നില്ലെ?അതാവും..
ഒരു വിയോഗം -ചിലരൊക്കെ തന്നുപോകുന്ന സ്നേഹത്തിന്റെ അംശങ്ങളുണ്ടല്ലോ..?,അത് തികച്ചും നോവ് പടര്ത്തുന്നതാണ്.
എന്റെ നസ്രാണീ എന്ന വിളിയാകുന്നതും
അതിലങ്ങനെ കവിത ആഴപ്പെടുന്നതും നോക്കി നിന്നുപോയി.
ഇവിടെ ജീവിതവും അതിന്നപ്പുറമെത്തിനോക്കുന്ന
പ്രതീക്ഷകളും,,,,,,,,,,,കവിതകളില്. മനോഹരം.
ആശംസകള്
ഹാരിസ്, പറഞ്ഞതെല്ലാം പിന്വലിക്കുന്നു;
താങ്കളുടെ കവിതകള് വായിച്ചതില്പ്പിന്നെ.
വൈകിയാണ് വായിക്കാന് കഴിഞ്ഞത്
തിരക്കായതിനാല് മറുപടിക്കു സമയം കിട്ടിയില്ലായിരുന്നു.
ക്ഷമിക്കുമല്ലോ?
(കമന്റില് ചെറിയൊരലോസരം ഇല്ലാതില്ല.
അത് താങ്കള് പറഞ്ഞപോലെ തുറന്നെഴുത്തിന്റെ
ആ ഒരിതിനാലയിരിക്കണം)
ഹാവൂ...പ്രമാദം.
ഒരു അഭിപ്രായം പോസ്റ്റ് ചെയ്യൂ